In hierdie week se Rapport verduidelik Nico van Gijsen die basiese beginsels en algemene wanopvattings oor trusts. Hy beklemtoon dat ’n trust nie ’n regspersoon is nie, maar ’n drieledige kontrak tussen die oprigter, die trustee en die begunstigde. Sodra bates na ’n trust oorgedra word, behoort dit nie meer aan die oprigter nie en kan dit nie deur hom beheer word nie. Baie mense verstaan of aanvaar dit nie, wat tot regsprobleme lei.
Hy waarsku ook teen die belastingimplikasies van die oordrag van bates, insluitend geskenk- en kapitaalwinsbelasting, en herinner dat lenings aan trusts steeds deel van die oprigter se boedel bly. ’n Begunstigde wat sy voordeel aanvaar, kry ook ’n sê in die trustakte. Nico raai mense aan om kundige advies te kry voordat hulle ’n trust stig of as trustee optree.
Lees hier.
Nico is lid van FISA en besturende direkteur van Finlac.